Tirana kthehet të fitojë derbin pas 10 ndeshjesh pa shijuar suksesin në sfidën e ethshme të kryeqytetit dhe e bën në momentin e duhur.

Bardheblutë kanë shkëlqyer mbrëmjen e sotme, duke mposhtur me rezultatin 3-0 Partizanin.

Ekipi me më së shumti titujë në Shqipëri gjeti fillimisht rrugën e rrjetës me anë të Zharmunit.

Ky i fundit tundi rrjetën në minutën e 19-të dhe më pas në të 41-tën dyfishoi shifrat nga pika e bardhë e penalltisë.

Pikërisht nga 11 metrat do të vinte edhe goli i tretë i ndeshjes.

Por këtë herë autori i golit ishte Ernesti. Tirana mori kështu tre pikë mjaft të rëndësishme, duke dhënë sinjale pozitive për mbijetesën.

Bardheblutë tashmë i ndan vetëm një pikë qendrimi në “Abissnet Superiore” edhe në sezonin e ardhshëm.

Ndërkohë, humbja e sotme vë në rrezik vendin e 4-të për Partizanin. Elbasani qendron pas tyre me vetëm një pikë diferencë dhe gati për t’i rrëmbyer pozicionin në renditje.